وزیراعظم پاکستان نے امریکا اور ایران کو اسلام آباد میں تاریخی مذاکرات کی دعوت دے دی۔ وزیراعظم محمد شہباز شریف نے امریکا اور ایران کی قیادت کو جنگ بندی کے فوراً بعد اپنی مذاکراتی ٹیموں کے ساتھ جمعہ، 10 اپریل کو اسلام آباد آنے کی باقاعدہ دعوت دے دی ہے۔ اپنے اہم بیان میں وزیراعظم نے لکھا کہ "انتہائی عاجزی کے ساتھ مجھے یہ اعلان کرتے ہوئے بے پناہ خوشی محسوس ہو رہی ہے کہ امریکہ اور ایران، اپنے اتحادیوں سمیت، لبنان سمیت ہر محاذ پر فوری جنگ بندی پر متفق ہو گئے ہیں۔”
With the greatest humility, I am pleased to announce that the Islamic Republic of Iran and the United States of America, along with their allies, have agreed to an immediate ceasefire everywhere including Lebanon and elsewhere, EFFECTIVE IMMEDIATELY.
I warmly welcome the…— Shehbaz Sharif (@CMShehbaz) April 7, 2026
شہباز شریف نے دونوں ممالک کی قیادت کی دانشمندی اور دوراندیشی کا پرجوش خیرمقدم کیا اور ان کا شکریہ ادا کرتے ہوئے کہا کہ "میں دونوں فریقوں کی مذاکراتی ٹیموں کو دعوت دیتا ہوں کہ وہ 10 اپریل کو اسلام آباد تشریف لائیں تاکہ تمام تنازعات کا حتمی، پائیدار اور باعزت حل تلاش کیا جا سکے۔” انہوں نے زور دے کر کہا کہ دونوں ملکوں نے غیر معمولی بصیرت، صبر اور ذمہ داری کا مظاہرہ کیا ہے۔ وزیراعظم نے امید ظاہر کی کہ "اسلام آباد مذاکرات” مشرق وسطیٰ میں مستقل امن اور استحکام کی بنیاد ثابت ہوں گے۔ شہباز شریف نے اختتام پر کہا، "ہم آنے والے دنوں میں مزید خوشخبریاں شیئر کرنے کے منتظر ہیں۔” ایک بار پھر پاکستان نے عالمی سفارتکاری میں اپنی معراج دکھا دی ہے۔ جہاں طاقتیں جنگ کی راہ پر تھیں، وہاں پاکستان نے امن کا راستہ ہموار کر دیا۔
Discussion about this post