امریکی نائب صدر جے ڈی وینس کا استقبال فیلڈ مارشل عاصم منیر نے کیا

امریکہ کے نائب صدر جے ڈی وینس ایران کے ساتھ جنگ بندی مذاکرات کے لیے اسلام آباد پہنچ گئے ہیں۔ نور خان ایئر بیس پر ان کا پرتپاک استقبال کیا گیا۔ آرمی چیف فیلڈ مارشل عاصم منیر، نائب وزیراعظم و وزیر خارجہ اسحاق ڈار، وزیر داخلہ محسن نقوی اور اعلیٰ حکومتی و فوجی افسران نے ان کا استقبال کیا۔ امریکی نائب صدر کے طیارے نے مشرق وسطیٰ کی فضاؤں سے گریز کرتے ہوئے ایک طویل اور محفوظ راستہ اختیار کیا۔ میری لینڈ سے روانگی کے بعد پیرس میں ڈھائی گھنٹے کا اسٹاپ اوور لیا گیا۔

پاکستانی وقت کے مطابق صبح تین بجے پیرس سے روانہ ہونے والا طیارہ جارجیا، آذربائیجان، ترکمانستان اور تاجکستان کے فضائی راستوں سے گزرتا ہوا چترال کے قریب پاکستانی فضائی حدود میں داخل ہوا اور صبح دس بج کر تینتیس منٹ پر نور خان ایئر بیس پر محفوظ لینڈنگ کی۔امریکی وفد میں نائب صدر جے ڈی وینس کے علاوہ خصوصی ایلچی اسٹیو وٹکوف اور صدر ڈونلڈ ٹرمپ کے داماد جیرڈ کشنر بھی شامل ہیں۔