لیاری میں 5 منزلہ عمارت زمین بوس

کراچی کے علاقے لیاری بغدادی میں واقع فداحسین شیخا روڈ پر ایک پانچ منزلہ رہائشی عمارت اچانک زمین بوس ہو گئی، جس کے نتیجے میں اب تک 4 افراد کی لاشیں نکالی جا چکی ہیں جبکہ متعدد افراد زخمی  ہوئے ہیں۔ ریسکیو ذرائع کے مطابق، عمارت مکمل طور پر منہدم ہو چکی ہے، اور حادثے کے وقت اس میں 12 خاندان مقیم تھے۔ ابتدائی اندازے کے مطابق 25 سے زائد افراد ملبے تلے دبے ہونے کا خدشہ ظاہر کیا جا رہا ہے۔ ریسکیو ٹیموں نے فوری کارروائی کرتے ہوئے اب تک 6 زخمیوں کو ملبے سے نکالا ہے، جن میں ایک خاتون بھی شامل ہیں۔ تمام زخمیوں کو سول اسپتال کے ٹراما سینٹر منتقل کر دیا گیا ہے، جہاں ایک زخمی کی حالت نازک بتائی جا رہی ہے جبکہ باقی افراد کو معمولی زخم آئے ہیں۔ پولیس اور امدادی ادارے موقع پر موجود ہیں۔ علاقے کو مکمل طور پر سیل کر دیا گیا ہے اور شہریوں کو جائے وقوعہ سے دور  رہنے کی ہدایت جاری کی گئی ہے۔ واقعے کے بعد تحقیقات کا آغاز کر دیا گیا ہے۔ تعمیراتی معیار، مالکانہ غفلت اور سرکاری نگرانی میں ممکنہ کوتاہی کے پہلوؤں کو تحقیقاتی ادارے جانچ رہے ہیں۔

A five-storey building has collapsed within the jurisdiction of Lyari Baghdadi Police Station. Rescue teams and police are present at the scene . PS BAGHDADI KARACHI pic.twitter.com/lCiabrVb2e

— Samar Abbas (@Samarjournalist) July 4, 2025