ہوک ہوگن نے تیسری شادی کرلی

امریکی ریٹائرڈ ریسلر ٹیری جین بولیا جو ” ہوک ہوگن ” کے نام سے زیادہ مشہور ہیں۔ انہوں نے 45 سالہ یوگا انسٹرکٹر اسکائی  ڈیلی  سے شادی کرلی ہے۔ فلوریڈا میں یہ تقریب ہوئی۔ ہوک ہوگن گزشتہ ایک سال سے یوگا انسٹرکٹرکے ساتھ دیکھے جارہے تھے جبکہ یہ ان کی اب تک کی تیسری شادی ہے۔ امریکی ذرائع ابلاغ کے مطابق ہوک ہوگن اور ڈیلی کی یہ ملاقاتیں گزشتہ سال سے شروع ہوئی تھیں۔ ہوک ہوگن نے دوسری بیوی جینفر میک ڈئینل سے طلاق حاصل کرنے کے بعد یوگا انسٹرکٹر ڈیلی سے قربتیں بڑھائی تھیں۔ ہوک ہوگن کی پہلی بیوی لنڈا ہوگن سے شادی 1983 سے 2009 تک برقرار رہی جن سے ان کے دو بچے تھے۔ جس کے بعد 69 سالہ  ہوک ہوگن نے 2010 میں جینفر سے شادی کی جس کا نتیجہ بھی طلاق پر ختم ہوا۔