تحریک انصاف کے سیکریٹری جنرل اسد عمر نے بذریعہ ٹوئٹ کارکنوں سے کہا ہے کہ سابق وزیراعظم عمران خان پر قاتلانہ حملے کے خلاف آج جمعے کی نماز کے بعد ملک بھر میں احتجاج اور مظاہرے کیے جائیں گے۔ اسد عمر کے مطابق جب تک عمران خان کا مطالبہ پورا نہیں ہوتا، ملک گیر احتجاج جاری رہے گا۔
آج نماز جمعہ کے بعد تمام ملک میں احتجاج ہو گا. جب تک عمران خان کا مطالبہ پورا نہیں ہوتا، ملک گیر احتجاج جاری رہے گا
— Asad Umar (@Asad_Umar) November 4, 2022
یاد رہے کہ عمران خان نے اپنے اوپر ہونے والے حملے میں وزیراعظم اور وزیرداخلہ کو قصور وار ٹھہرایا ہے۔ دوسری جانب عمران خان لاہور کے شوکت خانم اسپتال میں زیرعلاج ہیں۔ جہاں کے ڈاکٹرز کا کہنا ہے کہ سابق وزیراعظم کی حالت خطرے سے باہرہے اور وہ خود کو بہتر محسوس کررہے ہیں۔ ڈاکٹرز کی ایک ٹیم عمران خان کا معائنہ کرے گی جس کے بعد یہ فیصلہ ہوگا کہ انہیں مزید اسپتال میں رکھا جائے یا پھر ڈسچارج کردیا جائے۔
Discussion about this post