وزارت اعظمیٰ کی ذمے داری سنبھالنے کے بعد وزیراعظم شہباز شریف پہلی بار کراچی کا آج دورہ کررہے ہیں۔ ہوائی اڈے پر وزیراعلیٰ مراد علی شاہ استقبال کریں گے۔ جبکہ وزیراعظم اتحادی جماعتوں کے ساتھ مزار قائد پر بھی حاضری دیں گے۔ جس کے بعد وہ وزیراعلیٰ ہاؤس کا رخ کریں گے۔ ایک روزہ دورہ کراچی کے دوران وزیراعظم شہر میں ترقیاتی منصوبوں سے متعلق مشاورتی اجلاس کی صدارت کریں گے۔ اسی طرح سندھ میں امن و امان سمیت کئی اہم اجلاس وزیراعظم کی صدارت میں ہوں گے۔ ذرائع ابلاغ کے مطابق دوپہر 2 بجے وزیراعظم شہباز شریف ایم کیو ایم پاکستان کے بہادر آباد مرکز کا بھی دورہ کریں گے۔ جس میں ایم کیو ایم پاکستان سے وفاقی کابینہ اور گورنر شپ کے معاملے پر مشاورت کی جائے گی۔
Discussion about this post