پسند کی شادی کی خواہش پر 19سالہ لڑکی قتل

کراچی کے علاقے گلشن معمار میں جواں سالہ لڑکی مدینہ کو باپ اور بھائی نے غیرت کے نام پر قتل کردیا۔ 19 سالہ مدینہ کا قصور صرف یہ تھا کہ وہ پسند کی شادی کرنا چاہتی تھی۔ لیکن باپ اور بھائی کو یہ منظور نہ تھا۔ منصوبہ بندی کے تحت مدینہ کو پہلے بدترین تشدد کا نشانہ بنایا اور پھر اسی کے ڈوپٹے سے گلہ دبا کر بے دردی سے قتل کردیا۔ سفاک بھائی اور باپ کی بربریت یہی تک نہ رکی، دونوں ملزمان نے واقعہ کو خودکشی کا رنگ دیا اور بڑی ہی چالاکی سے مقتولہ کو رات کی تاریکی میں چپ چاپ دفنا بھی دیا۔

ویسٹ پولیس نے بڑی عمر کے آدمی سے شادی کے اصرار پر بیٹی ’’مدینہ‘‘ کو قتل کرنے والے باپ کو بیٹے سمیت گرفتار کرلیا۔

بھائی نے بہن پر تشدد کیا اور اسکے ہی دوپٹے سے گلہ دبا دیا، پھر واقعہ کو خودکشی کا رنگ دے دیا اور افغان بستی قبرستان میں دفن کردیا@DMCSindhPolice pic.twitter.com/xC5B0IpbtQ

— Karachi Police Official (@PoliceMediaCell) April 13, 2022

تحقیقات کا آغاز ہوا تو ظالم اور بے حس ملزمان نے پولیس کے آگے ہتھیار ڈال کر اعتراف جرم کیا۔ جس کے بعد پولیس نے باپ اور بھائی کیخلاف مقدمہ درج کرلیا ہے اور قبر کشائی کیلئے عدالت میں درخواست بھی جمع کرادی ہے۔