پاک بھارت میچ: احمد آباد ایئرپورٹ پر پرائیویٹ جیٹ ٹریفک میں 30 فیصد اضافہ

عالمی کرکٹ کپ میں 14 اکتوبر کو پاکستان اور بھارت کے درمیان میچ احمد آباد ہوائی اڈے پر پرائیوٹ جیٹ ٹریفک 30 فی صد بڑھ گئی ہے۔ بھارتی میڈیا کے مطابق  چارٹرڈ فلائٹس کی سرگرمیوں میں زیادہ اضافہ ہوا۔ بھارتی  سول ایوی ایشن کا کہنا ہے کہ اکتوبر میں 650 نان شیڈول چارٹرڈ ایئر کرافٹس کی آمد و رفت متوقع ہے۔  پاک بھارت میچ سے ایک دن پہلے میچ کے روز اور میچ کے ایک دن بعد بزنس گروپس کی نان شیڈول چارٹرڈ فلائٹس کے لیے ڈیمانڈ ہے، بالی ووڈ اسٹارز بھی چارٹرڈ فلائٹس کی بکنگ اور دستیابی کے لیے کوششیں کر رہے ہیں۔  احمد آباد ایئر پورٹ پر 43 ایئر کرافٹس کی پارکنگ کا انتظام ہے۔