کسانوں کی شکایات کا نوٹس وزیراعظم شہباز شریف نے لے لیا اور وفاقی حکومت کو فوری طور پر حکم دیا ہے کہ وہ کسانوں سے گندم کی خریداری کریں۔ شہباز شریف نے وفاقی حکومت کا گندم خریداری کا ہدف 14 لاکھ ٹن سے بڑھا کر 18 لاکھ میٹرک ٹن کردیا۔ انہوں نے پاسکو کو احکامات جاری کیے ہیں کہ فوری طور کسانوں سے گندم کی خریداری کی جائے اور بڑھائے گئے ہدف کے مطابق گندم خریدی جائے۔
یاد رہے کہ پنجاب حکومت کی طرف سے گندم کی فی من قیمت 3900 روپے مقرر کی گئی ہے، لیکن کسانوں کی جانب سے شکایات سامنے آرہی ہیں کہ ہم سے 3200 روپے من گندم خریدی جارہی ہے۔ دوسری جانب محکمہ خوراک پنجاب کا کہنا تھا کہ اُن کے گوداموں میں 23 لاکھ ٹن گندم پہلے سے ہی ہے۔
Discussion about this post