پاکستان میں واٹس ایپ سب سے زیادہ مقبول,سروے

انسٹیٹیوٹ فار پبلک اوپینیئن ریسرچ (آئی پی او آر) کی تازہ رپورٹ کے مطابق پاکستان میں سب سے زیادہ استعمال ہونے والا سوشل میڈیا پلیٹ فارم واٹس ایپ ہے۔ رپورٹ میں انکشاف کیا گیا ہے کہ سوشل میڈیا پر بیانیہ سازی میں بھی واٹس ایپ سب سے آگے ہے، جس کا حصہ 27 فیصد ہے۔

پلیٹ فارمز کے استعمال کی شرح:

• واٹس ایپ: 27 فیصد

• فیس بک: 19 فیصد

• یوٹیوب: 18 فیصد

• ٹک ٹاک: 17 فیصد

• انسٹاگرام: 10 فیصد

• ایکس (ٹوئٹر): 2 فیصد

جعلی خبریں اور تصدیق:

• 65 فیصد پاکستانی آن لائن خبریں تصدیق کیے بغیر مان لیتے ہیں۔

• صرف 22 فیصد صارفین خبروں کی سچائی جانچنے کی کوشش کرتے ہیں۔

• 43 فیصد پاکستانیوں کے مطابق فیس بک جھوٹی خبروں کا سب سے بڑا ذریعہ ہے۔

نظریات پر اثرات:

رپورٹ کے مطابق 68 فیصد افراد کا کہنا ہے کہ سوشل میڈیا سے ان کے نظریات پر کوئی فرق نہیں پڑا۔ تاہم، ہر پانچ میں سے ایک شخص نے اعتراف کیا کہ سوشل میڈیا کی خبروں نے ان کے خیالات بدل دیے۔