شنگھائی تعاون تنظیم (SCO) کے اجلاس میں پاکستان کو بڑی سفارتی کامیابی ملی ہے، جب کہ جاری کردہ اعلامیے میں جعفر ایکسپریس اور خضدار میں ہونے والے دہشت گرد حملوں کی سخت الفاظ میں مذمت کی گئی۔ اعلامیے میں کہا گیا کہ یہ حملے خطے کے امن و استحکام کو سبوتاژ کرنے کی سازش ہیں اور رکن ممالک انہیں کسی صورت برداشت نہیں کریں گے۔ پاکستان کی جانب سے اٹھائے گئے مؤقف کو عالمی سطح پر تقویت ملی ہے، اور ماہرین کے مطابق ایس سی او کی یہ متفقہ مذمت اسلام آباد کی سفارتی پوزیشن کے لیے ایک بڑی کامیابی ہے۔ اعلامیے میں مزید کہا گیا کہ رکن ممالک پاکستان کے ساتھ کھڑے ہیں اور دہشت گردی کے خاتمے کے لیے مشترکہ اقدامات کریں گے تاکہ اس ناسور کو جڑ سے ختم کیا جا سکے۔
Discussion about this post