تربت میں ڈپٹی کمشنر کیچ میجر (ر) بشیر احمد بڑیچ کے قافلے کو ریموٹ کنٹرول بم سے نشانہ بنایا گیا جس کے نتیجے میں لیویز فورس کے 5 اہلکاروں سمیت 6 افراد زخمی ہوگئے جبکہ ڈپٹی کمشنر محفوظ رہے۔دھماکا تربت پریس کلب روڈ پر اُس وقت ہوا جب ڈپٹی کمشنر کا قافلہ گزر رہا تھا۔ ایس ایس پی کیچ کیپٹن (ر) زوہیب محسن بلوچ نے نجی ٹی وی چینل کو بتایا کہ بارودی مواد ایک موٹر سائیکل میں نصب تھا جسے ریموٹ کے ذریعے اڑایا گیا۔ زخمیوں میں ایک راہگیر بھی شامل ہے۔پولیس اور ایف سی نے جائے وقوعہ کو گھیرے میں لے کر شواہد جمع کر لیے ہیں جبکہ زخمیوں کو قریبی اسپتال منتقل کر دیا گیا ہے۔ واقعے کی مزید تفتیش جاری ہے
تربت میں ڈپٹی کمشنر کیچ کے قافلے پر بم حملہ
Discussion about this post