حکمران اتحاد کا مقدمے کی سماعت فل کورٹ کرنے کا مطالبہ

حکمران اتحاد میں شامل تمام جماعتوں نے چیف جسٹس پاکستان سے مطالبہ کیا ہے کہ وہ وزیراعلیٰ پنجاب کے انتخاب سے متعلق مقدمے کی سماعت فل کورٹ سے کرائیں۔ عمران خان کے انتشار کا مقصد احتساب سے بچنا ہے۔ چیف جسٹس سے مطابلہ ہے کہ وزیراعلیٰ پنجاب کے انتخاب سے متعلق مقدمے کی سماعت فل کورٹ کرے، یہ بہت اہم قومی ، سیاسی اور آئینی معاملات ہیں، عمران خان بار بار سیاست میں انتشار پیدا کررہے ہیں۔

عمران خان اپنی کرپشن چھپانا اور چور دروازے سے اقتدار حاصل کرنے چاہتے ہیں، آئین نے مقتننہ، عدلیہ اور انتظامیہ میں اختیارات کی واضح لکیر کھینچی ہوئی ہے، ایک متکبر آئین شکن فسطائیت کا پیکر اختیارات کی لکیر کو مٹانے کی کوشش کررہا ہے، عمران خان آئین ، عوام کے حق حکمرانی اور جمہوری نظام کو بھی دیوالیہ کرانا چاہتے ہیں۔ عمران خان کی سوچ اور رویہ پاکستان کے ریاستی نظام کے لیے دیمک بن چکا ہے۔

ہرفورم اور ہر میدان میں تمام اتحادی جماعتیں مل کر آگے بڑھیں گی، سپریم کورٹ بار کی نظر ثانی کی درخواست، موجودہ درخواست دیگر متعلقہ درخواستوں کو ایک ساتھ سماعت کے لیے مقرر کیا جائے۔