شرپسندوں کی غلط تشہیر، مؤقف کو توڑ مروڑ کر پیش کیا جارہا ہے

شاہد آفریدی نے ایک بار پھر واضح اور دو ٹوک موقف اختیار کرتے ہوئے شر پسند عناصر کو جواب دے دیا ہے۔ پاکستان کرکٹ ٹیم کے سابق کپتان شاہد آفریدی نے کہا ہے کہ کچھ لوگ جان بوجھ کر غلط تاثر دینے کی کوشش کر رہے ہیں کہ وہ پیٹرول کی قیمتوں میں اضافے کا دفاع کر رہے ہیں۔ انہوں نے کہا کہ میری پرانی ویڈیو کو شیئر کر کے لوگ عوام کو گمراہ کرنے کی کوشش کر رہے ہیں۔ یہ ویڈیو حالیہ اضافے سے بہت پہلے بنائی گئی تھی۔ یہ صرف توانائی بچانے اور کم استعمال کی آگاہی کے بارے میں تھی، جو وزارت اطلاعات کی درخواست پر تیار کی گئی تھی۔ شاہد آفریدی نے واضح کیا کہ پیٹرول کی قیمتوں میں حالیہ اضافہ عوام کی کمر توڑ دے گا۔ اس کا دفاع کسی صورت ممکن نہیں ہے۔

کچھ شر پسند عناصر میری پرانی ویڈیو شیئر کر کے غلط تاثر دینے کی کوشش کر رہے ہیں کہ میں پیٹرول کی قیمتوں میں اضافے کا دفاع کر رہا ہوں۔
حقیقت یہ ہے کہ یہ ویڈیو حالیہ اضافے سے پہلے بنائی گئی تھی۔ یہ صرف توانائی کے بچت اور کم استعمال کے بارے میں آگاہی ویڈیو تھی، جو وزارتِ اطلاعات…

— Shahid Afridi (@SAfridiOfficial) April 3, 2026

انہوں نے مزید کہا کہ کم عقل اور کم علم لوگوں کے لیے وضاحت کرنا ضروری ہے کہ اس پیغام کو مذموم سیاسی مقاصد کے لیے توڑ مروڑ کر استعمال کرنا اور عوام کو گمراہ کرنے کی کوشش بالکل شرم ناک ہے۔ شاہد آفریدی کا یہ بیان ایسے وقت میں سامنے آیا ہے جب سوشل میڈیا پر ان کی پرانی ویڈیو کو غلط تناظر میں پیش کر کے ان پر تنقید کی جا رہی تھی۔ انہوں نے واضح الفاظ میں کہا کہ وہ عوام کی مشکلات کو خوب سمجھتے ہیں اور قیمتوں میں اضافے کی کوئی بھی حمایت نہیں کرتے۔