اسلام آباد ٹریفک پولیس نے ایک اہم فیصلہ کرتے ہوئے موٹرسائیکل سوار اور پیچھے بیٹھنے والے دونوں افراد کے لیے ہیلمٹ پہننا لازمی قرار دے دیا ہے، خواہ وہ مرد ہوں یا خواتین۔ اسلام آباد کے چیف ٹریفک آفیسر ذیشان حیدر کا کہنا ہے کہ سڑکوں پر بڑھتے ہوئے موٹرسائیکل حادثات کے پیش نظر یہ اقدام اٹھایا گیا ہے۔ ان کا کہنا تھا:
حادثے کی صورت میں صرف ڈرائیور ہی نہیں، پیچھے بیٹھنے والے افراد بھی مہلک چوٹوں کی زد میں ہوتے ہیں۔ ہیلمٹ کا استعمال حادثات میں 50 فیصد تک جانوں کے نقصان کو روک سکتا ہے۔”
ٹریفک پولیس کے ترجمان کے مطابق، اس نئے ضابطے کو دو ہفتوں کی بھرپور آگاہی مہم کے بعد نافذ کیا جائے گا۔ ابتدائی طور پر شہریوں کو ہیلمٹ کی اہمیت اور فوائد سے روشناس کرایا جائے گا تاکہ وہ اپنی حفاظت کو سنجیدگی سے لیں۔سی ٹی او ذیشان حیدر نے واضح کیا کہ:
"اگر موٹرسائیکل پر پیچھے بیٹھنے والا شخص ہیلمٹ نہیں پہنے گا، تو جرمانہ ڈرائیور پر عائد کیا جائے گا۔”
اسلام آباد ٹریفک پولیس نے شہریوں سے اپیل کی ہے کہ وہ نئے قانون پر عملدرآمد کو اپنی اور دوسروں کی حفاظت کے لیے سنجیدگی سے لیں۔
"یہ قانون صرف ضابطہ نہیں، بلکہ آپ کی زندگی کی حفاظت کا ذریعہ ہے۔”
Discussion about this post