پاکستانی پاسپورٹ دنیا کے 101 بہترین پاسپورٹ میں شامل

پاکستان نے ایک بار پھر دنیا کو حیران کر دیا ہے۔ عالمی سطح پر امن کا روشن ستارہ بن کر ابھرا ہے اور اس کی سفارتکاری نے نہ صرف خطے بلکہ پوری دنیا کی توجہ حاصل کر لی ہے۔ پاکستانی پاسپورٹ 2026 کی عالمی درجہ بندی میں 98 ویں پوزیشن حاصل کرتے ہوئے ایک سو ایک بہترین پاسپورٹس میں شامل ہو گیا ہے۔ یہ کامیابی پاکستان کی بڑھتی ہوئی سفارتی طاقت اور عالمی ساکھ کی واضح دلیل ہے۔تفصیلات کے مطابق، گزشتہ چند ہفتوں میں پاکستان نے ایران اور امریکا کے درمیان تناؤ کم کرنے کے لیے پیغام رسانی کا اہم ذریعہ بن کر تاریخی کردار ادا کیا۔ دونوں ممالک کے درمیان رابطے قائم رکھتے ہوئے امن کی راہ ہموار کرنے میں پاکستان نے کلیدی کردار نبھایا، جس کے نتیجے میں نہ صرف جنگ بندی ممکن ہوئی بلکہ پاکستان کی عالمی سطح پر وقعت میں بھی نمایاں اضافہ ہوا ہے۔عالمی میڈیا نے اسے پاکستان کی سفارتکاری کی شاندار فتح قرار دیا ہے۔ پاسپورٹ کی اس بہتری کو بھی اسی سفارتی کامیابی کا نتیجہ سمجھا جا رہا ہے، جو پاکستان کے بڑھتے ہوئے عالمی اثر و رسوخ کی عکاسی کرتی ہے۔یہ وہ لمحہ ہے جب پاکستان نہ صرف اپنے لوگوں کے لیے بلکہ پوری دنیا کے لیے امن اور استحکام کا پیغام بن کر سامنے آ رہا ہے۔ ایک ایسا ملک جو تنازعات کو حل کرنے کا پل بن سکتا ہے، یقیناً عالمی تاریخ میں اپنا سنہرا باب رقم کر رہا ہے۔