بلوچستان میں سیکیورٹی فورسز کے سینیٹائزیشن آپریشنز ، 3 دن میں 177 دہشت گرد ہلاک

بلوچستان میں سیکیورٹی فورسز کے سینیٹائزیشن آپریشنز جاری ہیں، جن میں گزشتہ تین دنوں کے دوران 177 دہشت گرد ہلاک کیے جا چکے ہیں۔سیکیورٹی ذرائع کے مطابق فورسز فتنۃ الہندوستان کے حملہ آور دہشت گردوں کے خلاف مختلف علاقوں میں تعاقبی آپریشنز کر رہی ہیں، اور گزشتہ رات مزید 22 دہشت گردوں کو ہلاک کیا گیا۔ ان تین روزہ آپریشنز کے بعد مجموعی طور پر 177 دہشت گردوں کو مکمل طور پر ختم کر دیا گیا ہے، جس سے بلوچستان میں دہشت گردوں کی قوت کو شدید نقصان پہنچا ہے۔ سیکیورٹی فورسز، بشمول انٹیلی جنس ایجنسیز اور پولیس، دہشت گردوں اور ان کے سہولت کاروں کے خلاف محاذ سخت کر رہی ہیں، اور مزید کارروائیوں کے دوران ان کے بڑے نقصانات اور ہلاکتوں کی اطلاعات بھی موصول ہوئی ہیں۔ یہ کارروائیاں نہ صرف عوام کی حفاظت بلکہ بلوچستان میں امن و امان کے قیام کے لیے بھی ایک مضبوط پیغام ہیں۔