نیو یارک کی فضا پاکستانی پرچموں اور "پاکستان زندہ آباد” کے نعروں سے گونج اٹھی جب اوورسیز پاکستانی کمیونٹی نے وزیرِاعظم پاکستان اور افواجِ پاکستان کے ساتھ والہانہ یکجہتی کا مظاہرہ کیا۔ اوورسیز پاکستانیوں نے اقوامِ متحدہ ہیڈکوارٹر کے باہر بھرپور انداز میں سیاسی و عسکری قیادت کے حق میں ریلی نکالی۔ کمیونٹی کے شرکاء نے موبائل ڈیجیٹل ٹرکوں کے ذریعے پاک فوج اور فیلڈ مارشل سید عاصم منیر کے حق میں پیغامات نشر کیے۔
اورسیز پاکستانیوں کا سیاسی و عسکری قیادت کو عالمی سطح پر شاندار خراجِ تحسین
نیو یارک کی فضا پاکستانی پرچموں اور "پاکستان زندہ آباد” کے فلگ شگاف نعروں سے گونج اٹھی
اورسیز پاکستانی کمیونٹی کا نیویارک میں اقوامِ متحدہ کے باہر وزیرِاعظم اور افواجِ پاکستان کے ساتھ والہانہ یکجہتی کا… pic.twitter.com/HXy3KXiyYu
— PTV News (@PTVNewsOfficial) September 29, 2025
نیویارک کی شاہراہوں پر منفرد مناظر
موبائل ٹرکوں پر پاک فوج کی جرات، بہادری اور قربانیوں کے مناظر چلتے رہے جو ہر دیکھنے والے کی توجہ کا مرکز بنے۔ کمیونٹی کے افراد نے کہا کہ فیلڈ مارشل سید عاصم منیر کی قیادت میں پاک فوج نے معرکہ حق میں قوم کا وقار بلند کیا ہے اور اس تاریخی فتح نے پاکستان کا پرچم دنیا بھر میں سربلند کیا ہے۔
وزیرِاعظم اور افواج کی قیادت کو سراہا گیا
شرکاء نے کشمیری عوام کے حق میں جرات مندانہ موقف اپنانے پر وزیرِاعظم اور افواجِ پاکستان کو خراجِ تحسین پیش کیا۔ ان کا کہنا تھا کہ پاکستان اور امریکہ کے تعلقات میں بہتری بھی اسی قیادت کی کامیاب حکمتِ عملی کا ثمر ہے۔ اوورسیز پاکستانی کمیونٹی نے پاک فوج کے شہداء اور غازیوں کی قربانیوں کو خراجِ عقیدت پیش کرتے ہوئے کہا کہ یہ قربانیاں ہر پاکستانی کے دل میں فخر اور محبت کا جذبہ پیدا کرتی ہیں۔ اوورسیز پاکستانیوں نے کہا کہ فیلڈ مارشل سید عاصم منیر کی قیادت عالمی فورمز پر پاکستان کی عزت اور ساکھ کو نئی بلندیوں تک لے جا رہی ہے۔ یہی قیادت قوم کی طاقت اور وقار کی علامت ہے۔
Discussion about this post