محکمہ سائنس اینڈ انفارمیشن ٹیکنالوجی نے تمام محکموں کو ویب سائٹ اپ ڈیٹ کرنے کی ہدایت کی ہے ، اب تمام محکموں کا کام ویب سائٹ کے ذریعہ آن لائن ہوگا اور فائل ورک کو بھی محدود کیا جارہا ہے۔ وزیراعلیٰ سندھ مراد علی شاہ نے محکمہ سائنس اینڈ آئی ٹی کی سمری منظورکرلی، جس کے بعد تمام محکموں کی ویب سائٹ اپ ڈیٹ کرنےکا کہا گیا ہے۔ اب تمام محکموں کو ہدایت دی گئی ہے کہ ڈیڑہ ماہ میں ویب سائٹ تیار کریں ، اس حوالے سے محکمہ انفارمیشن ٹیکنالوجی ہرممکن تعاون کرےگا۔
دوسری جانب محکمہ آئی ٹی سندھ کے مطابق تمام محکموں کا ڈیٹا پرانی ویب سائٹ سے نئے ڈیزائن پر منتقل کرنے کے لیے تیار ہے، ایک مرتبہ پورٹل کاسرکاری طور پرافتتاح ہوجائےتو پھر ہرمحکمہ ایک فوکل پرسن نامزد کرےگا۔ وزیراعلیٰ مراد علی شاہ کی ہدایت پر تمام محکمے اس بات کو یقینی بنائیں گے کہ وہ اپنی ویب سائٹ پر ڈیٹا اپ ڈیٹ کریں گے جبکہ پورٹل کے افتتاح سے قبل نامزد فوکل پرسن کو تجربہ کی بنیاد پرتربیت بھی دی جائے گی۔
Discussion about this post