اسلام آباد میں ایک دل دہلا دینے والا اور حیران کن واقعہ پیش آگیا۔ پاکستان کے نائب وزیراعظم اور وزیر خارجہ اسحاق ڈار اتوار کے روز مصری وزیر خارجہ کے استقبال کے دوران اچانک پھسل کر گر گئے۔اس حوالے سے ان کے بیٹے علی ڈار نے رات گئے سوشل میڈیا پلیٹ فارم ’ایکس‘ پر ایک جذباتی پوسٹ کرتے ہوئے بتایا کہ ان کے والد کے کندھے میں ہیئر لائن فریکچر ہوا ہے۔ واقعہ اس وقت پیش آیا جب سعودی عرب، ترکی اور مصر کے وزرائے خارجہ کے اہم اجلاس کی میزبانی کے دوران مصری وزیر خارجہ ڈاکٹر بدر عبد العاطی وزارت خارجہ پہنچے۔ استقبال کے موقع پر اسحاق ڈار کے پاؤں پھسل گئے اور وہ گر پڑے۔ تاہم انہوں نے فوراً خود کو سنبھالا، کھڑے ہوئے اور بالکل معمول کے مطابق مصری وزیر خارجہ کے ساتھ سٹیج پر تصاویر بنوائیں۔ علی ڈار نے لکھا کہ والد صاحب نے چوٹ لگنے کے باوجود پورا دن پین کلرز لے کر انتہائی اہم میٹنگز احسن طریقے سے مکمل کیں۔ رات تقریباً نو بجے سرکاری بیان کی ریکارڈنگ اور ایک بڑے دن کے کامیاب اختتام کے بعد فیملی کے اصرار پر انہوں نے طبی معائنہ کروایا۔ ایکس رے رپورٹس کے مطابق کندھے میں ہیئر لائن فریکچر ہے، جسے اگلے چند دن دوائیوں اور احتیاطی تدابیر سے مینیج کیا جائے گا۔
اسحاق ڈار صاحب نے آج مصر کے وزیرِ خارجہ کے استقبال کے دوران چوٹ لگنے کے باوجود پورا دن پین کلرز لے کر انتہائی اہمیت کی حامل تمام میٹنگز الحمدللہ احسن طریقے سے مکمل کیں۔ تقریباً 9 بجے آفیشل سٹیٹمنٹ کی ریکارڈنگ اور پاکستان کے لئے ایک بڑے دن کے بہترین اختتام کے بعد فیملی کے اصرار پر…
— Ali Dar (@alimdar82) March 29, 2026
یہ واقعہ اس وقت سامنے آیا جب پاکستان امریکہ اور اسرائیل کی جانب سے ایران کے خلاف جاری تنازع کے خاتمے کے لیے سفارتی کوششوں میں مصروف ہے۔ اسحاق ڈار اس سلسلے میں کلیدی کردار ادا کر رہے ہیں اور انہی کوششوں کے تحت ترکی، سعودی عرب اور مصر کے وزرائے خارجہ کو اسلام آباد میں بلایا گیا تھا۔اسحاق ڈار کی استقامت اور فرض شناسی کی ایک بار پھر مثال مل گئی ہے کہ چوٹ کے باوجود وہ اپنی ذمہ داریوں سے پیچھے نہیں ہٹے۔
Discussion about this post