راولپنڈی اور اسلام آباد کو ملانے والے تمام راستے بند

راولپنڈی میں سیکیورٹی ہائی الرٹ ہے اور دفعہ 144 بھی نافذ ہے، فیض آباد پُل پر ڈبل لیئر کنٹینرز رکھ دیے گئے ہیں جبکہ اسلام آباد ایکسپریس وے کو بھی مختلف مقامات سے بند کردیا گیا ہے۔ آئی جے پی ڈبل روڈ بھی ٹریفک کے لیے بند ہے۔ راولپنڈی کی مرکزی شاہراہ مری روڈ کی  جانب  آنے والے راستے بھی بند کر دیے گئے ہیں۔ اسی طرح  راولپنڈی اور اسلام آباد کو ملانے والے راستوں پر پولیس کی بھاری نفری تعینات ہے، راولپنڈی میں میٹرو بس سروس بھی معطل کر دی گئی ہے۔ ادھر ڈی چوک سے پولیس نے 3 افراد کوحراست میں لیا ہے۔ زیرِ حراست افراد میں2 عام شہری اور ایک تحریکِ انصاف کا کارکن ہے۔ اسلام آباد میں آئندہ 2 دن  کے لیے ڈبل سواری پر بھی پابندی لگا دی گئی ہے جس کا اطلاق جمعرات کی رات 12 بجے سے ہو گیا ہے اور خلاف ورزی کرنے والوں کے ساتھ سخت قانونی کارروائی ہو گی۔