حکومتِ سندھ نے گرین لائن بس سروس کے آپریشنز سنبھالنے کے لیے تیاریاں مکمل کر لی ہیں، اس حوالے سے سندھ کے سینئر وزیر شرجیل میمن کی زیرِ صدارت اجلاس میں گرین لائن بس سروس کے آپریشنز کا جائزہ لیا گیا۔ اس موقع پر شرجیل انعام میمن کا کہنا تھا کہ گرین لائن منصوبہ کراچی کے پبلک ٹرانسپورٹ سسٹم کا ایک اہم جزو ہے، چاہتے ہیں گرین اور اورنج لائن جوڑنے کا کام دسمبر 2024 سے پہلے مکمل ہو جائے۔ وفاقی حکومت گرین لائن آپریشنز پر 2 ارب روپے کی سبسڈی دے رہی ہے جس پر حکومتِ سندھ نظرِ ثانی کرے گی، گرین لائن منصوبے کی سندھ کو منتقلی کے بعد اس میں مزید بسیں شامل کریں گے۔ سینئر وزیر شرجیل میمن کہتے ہیں کہ حکومتِ سندھ کے پبلک ٹرانسپورٹ منصوبوں پر عوام نے سکھ کا سانس لیا ہے، پبلک ٹرانسپورٹ کراچی کا دیرینہ مسئلہ رہا ہے، چاہتے ہیں کہ ٹرانسپورٹ کے نظام میں مزید بہتری لائی جائے۔
گرین لائن بس سروس سندھ حکومت کے حوالے ہوگی
Discussion about this post