سابق مس یونیورس ہرناز سندھو کی بالی ووڈ میں انٹری

ہرناز سندھو آنے والی فلم ’باغی 4‘ سے بالی ووڈ فلم میں کام کریں گی، انہوں نے سوشل میڈیا پر پرستاروں  کو اطلاع  دیتے ہوئے بھرپور خوشی کا اظہار بھی کیا ہے۔ فلم ’باغی 4‘ رومانس اور ایکشن سے بھرپور فلم ہے جس میں ٹائیگر شیروف مرکزی کردار نبھا رہے ہیں۔ یاد رہے کہ ہرناز سندھو نے 2021 میں 21 سال کی عمر میں ’مس یونیورس‘ کا ٹائٹل جیتا تھا۔ انہوں نے یہ کارنامہ 79 ممالک کی حسیناؤں کو پیچھے چھوڑ کر انجام دیا۔

ساتھ ہی وہ مس یونیورس کا خطاب جیتنے والی تیسری بھارتی  لڑکی بھی بن گئی تھیں۔ اس سے قبل 21 سال پہلے اداکارہ لارا دتہ نے 2000 میں اور اداکارہ سشمیتا سین نے 1994 میں بھارت کو مِس یونیورس کا خطاب دلایا تھا۔