ایف آئی اے کو بھی عارف علوی کی گرفتاری سے روک دیا گیا

سندھ ہائی کورٹ میں  عارف علوی کے خلاف درج مقدمات کی تفصیلات طلب کرنے کے کیس کی سماعت ہوئی۔ اس موقع پر  عدالت نے ایف آئی اے کو بھی  سابق صدر عارف علوی کی گرفتاری سے روک دیا۔ وکیل عارف علوی کا کہنا تھا کہ خدشہ ہے کہ گرفتار کر کے کسی اور صوبے میں منتقل کر دیا جائے گا۔ عدالت نے کہا کہ عارف علوی سابق صدر ہیں ایسے کیوں گرفتار کریں گے، عارف علوی پر اگر بدنیتی پر مبنی مقدمات درج کیے گیے، عدالت ان مقدمات کو ختم کر دے گی۔اس سے قبل سندھ ہائی کورٹ نے 12 دسمبر تک سابق صدر عارف علوی کو کسی بھی درج مقدمے میں گرفتار کرنے سے روکا تھا۔