فیس بک سے رقم کمانے کا ایک اور طریقہ

فیس بک نے ایک نیا فیچر پیش کیا ہے جس کے ذریعے اب صارفین فیس بک اسٹوریز پر ملنے والے ویوز سے بھی پیسے کما سکیں گے۔  کمپنی نے یہ نیاطریقہ  عالمی سطح پر ان ڈیجیٹل کرئیٹرز کے لیے پیش کیا ہے جو فیس بک کانٹینٹ مونیٹائزیشن پروگرام کا حصّہ ہیں۔جس کے بعد اب  صارفین اپنی کسی بھی ویڈیو یا ریل کا کچھ حصّہ اپنی فیس بک اسٹوری کی مد  میں شیئر کرتے ہیں تو اس اسٹوری پر ملنے والے ویوز سے بھی پیسے کمائے جا سکیں گے۔  یہی نہیں صارفین نجی زندگی کے متعلق بھی اپنی فیس بک اسٹوری پر کچھ بھی شئیر کرتے ہیں تو اس سے بھی انہیں رقم مل سکتی ہے۔

میٹا کے ترجمان کے مطابق  فیس بک اسٹوریز کے ذریعے  رقم  کمانے کا موقع صارفین کو مواد کی کارکردگی کی بنیاد پر ملے گا لیکن انہیں اس کے لیے ویوز کی کسی مخصوص حد کو حاصل کرنے کی ضرورت نہیں ہوگی۔ مقصد صرف یہ ہے کہ صارفین کی حوصلہ افزائی کی جائے تاکہ وہ سوشل میڈیا پلیٹ فارم کے لیے زیادہ سے زیادہ کارآمد اور موثر مواد تیار کریں۔