سندھ اسمبلی کے ارکان ارسلان تاج اور رابعہ اظفر نظامی نے سابق صدر آصف علی زرداری کی ہمیشیرہ فریال تالپور پر اثاثے چھپانے کا الزام عائد کرکے الیکشن کمیشن سے رجوع کیا تھا۔ اس کیس کی سماعت پر 27 اکتوبر کو الیکشن کمیشن نے فیصلہ محفوظ کیا جو آج سنا دیا گیا۔ الیکشن کمیشن کے مطابق درخواست گزار فریال تالپور کے اثاثے چھپانےا ور مالی بے قاعدگیوں کے متعلق ٹھوس اور مضبوط شواہد دینے میں بھی بری طرح ناکام رہے۔ کمزور دلائل اور شواہد کی بنا پر الیکشن کمیشن نے فریال تالپور کو نااہل دینے کی درخواست رد کردی ہے۔
Discussion about this post