ڈیرہ اسمٰعیل خان، سیکیورٹی فورسز کی کارروائی میں 8 دہشت گرد ہلاک

پاک فوج کے شعبہ تعلقات عامہ (آئی ایس پی آر) کے مطابق  5 اپریل کو سیکیورٹی فورسز نے دہشت گردوں کی موجودگی کی اطلاع پر ڈیرہ اسمٰعیل خان میں معلومات کی بنیاد پر آپریشن کیا۔ جس کے دوران شدید فائرنگ کے تبادلے میں 8 دہشت گرد کو مار گرایا گیا۔  ئی ایس پی آر کا کہنا ہے کہ مارے گئے دہشت گرد سیکیورٹی فورسز کے خلاف دہشت گردی کی کئی  کارروائیوں اور معصوم شہریوں کی ٹارگٹ کلنگ میں ملوث تھے، ہلاک دہشت گردوں سے اسلحہ، گولہ بارود اور دھماکا خیز مواد بھی برآمد ہوا ہے۔ علاقے کے افراد نے سیکیورٹی فورسز کی کارروائی کو سراہا ہے۔ علاقے میں پائے جانے والے کسی بھی دوسرے دہشت گرد کے خاتمے کے لیے آپریشن کیا جا رہا ہے کیونکہ سیکیورٹی فورسز دہشت گردی کی لعنت کا جڑ سے خاتمہ کرنے کے لیے پرعزم ہیں۔