چیئرمین پی سی بی محسن نقوی نے آئی سی سی بورڈ ممبران کے اجلاس کے آخری دن رپورٹ پیش کی جس میں یقین دہانی کرائی گئی کہ تینوں مجوزہ مقامات پر اسٹیڈیم کی تزئین و آرائش کا کام ایونٹ کے آغاز سے پہلے مکمل کرلیا جائے گا۔ اس موقع پر محسن نقوی نے آئی سی سی کے بورڈ ممبران کو پاکستان آنے کی دعوت بھی دی اور ٹورنامنٹ کی تیاریوں کو دیکھنے اور انتظامات کا جائزہ لینے کا بھی آپشن پیش کیا۔ میڈیا رپورٹس کے مطابق اجلاس میں چیئر اور انڈیپنڈنٹ ڈائریکٹر کے عہدوں کی میعاد کو بھی زیر غور لایا گیا، جس میں چیئرمین کی تقرری کو 2 سے بڑھا کر 3 سال کی مدت تک توسیع کا مشورہ دیا گیا۔ یاد رہے کہ بھارتی میڈیا کی جانب سے رپورٹس میں دعویٰ کیا گیا تھا کہ پاکستان کرکٹ بورڈ (پی سی بی) چیمپیئینز ٹرافی میں شرکت کے حوالے سے بھارتی ٹیم کے انکار کیلئے ذہنی طور پر تیار ہے لیکن ایونٹ کا فائنل لاہور سے منتقل نہیں کرے گا چاہے بھارت فائنل میں جگہ کیوں نہ بنالے۔
چیمپئینز ٹرافی پاکستان میں ہی ہوگی آئی سی سی کا ‘گرین سگنل’
تار نامہ
Discussion about this post