کیریبیئن لیگ، شیفرڈ کا منفرد کارنامہ، ایک گیند پر 22 رنز

کیریبین پریمیئر لیگ 2025 میں شائقین نے کرکٹ کی تاریخ کا ایک انوکھا لمحہ دیکھا، جب گیانا ایمازون واریئرز کے آل راؤنڈر روماریو شیفرڈ نے ایک ہی قانونی گیند پر دھواں دار بیٹنگ کرتے ہوئے 22 رنز بنا ڈالے۔ اس شاندار کارکردگی کو لیگ کی تاریخ کا یادگار کارنامہ قرار دیا جا رہا ہے۔ سینٹ لوشیا کے ڈیرن سیمی نیشنل کرکٹ اسٹیڈیم میں کھیلے گئے میچ میں شیفرڈ نے صرف 34 گیندوں پر ناقابلِ شکست 73 رنز بنائے۔ تاہم ان کی برق رفتار اننگز ٹیم کے کام نہ آ سکی، اور سینٹ لوشیا کنگز نے 11 گیندیں قبل ہی 203 رنز کا ہدف حاصل کر کے میچ اپنے نام کر لیا۔

Shepherd showing no mercy at the crease! 🔥

Five huge sixes to start the charge! 💪#CPL25 #CricketPlayedLouder
#BiggestPartyInSport #SLKvGAW #iflycaribbean pic.twitter.com/6cEZfHdotd

— CPL T20 (@CPL) August 27, 2025

میچ کا سب سے سنسنی خیز لمحہ پندرہواں اوور تھا، جب سینٹ لوشیا کنگز کے کپتان ڈیوڈ ویزے نے اوشانے تھامس کو گیند تھمائی۔ اس اوور میں ڈرامہ دیکھنے کو ملا:

• پہلی گیند نو بال قرار پائی، جس پر فری ہٹ ملی۔

• اس کے بعد ایک وائیڈ بال پھینکی گئی۔

• پھر دوسری نو بال پر شیفرڈ نے شاندار چھکا لگایا۔

• اگلی فری ہٹ پر بھی گیند باؤنڈری سے باہر پھینک دی۔

• جب بالآخر قانونی گیند کرائی گئی، تو شیفرڈ نے ایک اور زوردار چھکا جڑ دیا۔

یوں صرف ایک قانونی گیند پر تین چھکوں سمیت 22 رنز بنے اور اس اوور کو یادگار بنا دیا۔

واضح رہے کہ روماریو شیفرڈ انڈین پریمیئر لیگ (آئی پی ایل) میں رائل چیلنجرز بنگلورو کے لیے بھی کھیل چکے ہیں۔ ان کی یہ اننگز ثابت کرتی ہے کہ وہ محدود اوورز کی کرکٹ میں کسی بھی لمحے میچ کا پانسہ پلٹنے کی صلاحیت رکھتے ہیں۔