چلاس : مسافر بس کھائی میں جاگری، 20 افراد جاں بحق

بدقسمت بس راولپنڈی سے ہنزہ جانے کے لیے نکلی تھی۔شاہراہ قراقرم پر یشوکل داس کے مقام پر بس کھائی میں جاگری جس کے نتیجے میں 20 افراد جاں بحق اور 20 سے زائد زخمی ہوگئے۔ حادثے کی اطلاع ملتے ہی ریسکیو ٹیمیں جائے حادثے پر پہنچیں اور کئی زخمیوں کو چلاس کے  اسپتال پہنچا دیا گیا۔  کچھ زخمیوں کی حالت انتہائی تشویشناک ہے جس کے باعث ہلاکتوں میں اضافے کا خدشہ ہے۔ حکام کا کہنا ہے کہ حادثہ صبح 5 بجے کے قریب پیش آیا۔ بس یشوکھل کے قریب موڑ کاٹتے ہوئے گہری کھائی میں جا گری، بس میں 35 سے زائد مسافر سوار تھے۔ چلاس کے اسپتال میں ایمرجنسی نافذ کر دی گئی ہے۔