ورلڈ ریسلنگ انٹرٹینمنٹ (ڈبلیو ڈبلیو ای) نے بالآخر وہ اعلان کر دیا جس کا دنیا بھر کے شائقین کو شدت سے انتظار تھا۔ لیجنڈری ریسلر اور 16 بار کے ورلڈ چیمپئن جان سینا رواں سال 13 دسمبر کو واشنگٹن ڈی سی کے کیپیٹل ون ارینا میں اپنے کیریئر کا آخری مقابلہ لڑیں گے۔
48 سالہ جان سینا، جنہیں ڈبلیو ڈبلیو ای کی تاریخ کا سب سے بڑا اسٹار قرار دیا جاتا ہے، پہلے ہی اعلان کر چکے ہیں کہ 2025ء ان کے شاندار کیریئر کا آخری سال ہوگا۔ وہ دنیا بھر میں اپنے فیئر ویل ٹور پر ہیں، جہاں انہوں نے تاریخ رقم کرتے ہوئے ریسل مینیا 41 میں 17واں ورلڈ ٹائٹل جیت کر ایک نیا عالمی ریکارڈ قائم کیا۔ اس فتح کے ساتھ وہ باضابطہ طور پر سب سے زیادہ ورلڈ چیمپئن بننے والے ریسلر بن گئے۔جان سینا کا کیریئر کامیابیوں اور یادگار لمحوں سے بھرا ہوا ہے۔ ان کے کریڈٹ پر پانچ یو ایس چیمپئن شپ، دو رائل رمبل فتوحات، اور ان گنت ناقابلِ فراموش رائیولریز ہیں جنہوں نے جدید ریسلنگ کو نئی پہچان دی۔سینا نے اپنے مداحوں کو سوشل میڈیا پر پیغام دیا:
"ون لاسٹ ڈانس… فائنل، فائنل… 13/12/25۔”
اگرچہ ابھی تک ان کے آخری حریف کا اعلان نہیں کیا گیا، لیکن یہ مقابلہ بلا شبہ ڈبلیو ڈبلیو ای کی تاریخ کے سب سے زیادہ جذباتی اور یادگار میچز میں شامل ہوگا۔
Discussion about this post