ایم ڈی کیٹ 2025 کا انعقاد 5 اکتوبر کو ہوگا

پاکستان میڈیکل اینڈ ڈینٹل کونسل (PMDC) نے ملک بھر میں ایم بی بی ایس اور بی ڈی ایس میں داخلے کے خواہش مند طلبا و طالبات کے لیے میڈیکل اینڈ ڈینٹل کالج ایڈمیشن ٹیسٹ (MDCAT) 2025 کے انعقاد کا باضابطہ اعلان کر دیا ہے۔ جاری کردہ اعلامیے کے مطابق ایم ڈی کیٹ 2025 کا امتحان 5 اکتوبر 2025 بروز اتوار صبح 10 بجے منعقد کیا جائے گا۔ امتحان کے شفاف اور منظم انعقاد کے لیے ملک کے تمام صوبوں اور علاقوں میں متعلقہ طبی جامعات کو ذمہ داریاں سونپ دی گئی ہیں۔

صوبہ وار امتحانی انتظامات:

• پنجاب: یونیورسٹی آف ہیلتھ سائنسز (UHS)، لاہور

• سندھ: آئی بی اے یونیورسٹی، سکھر

• خیبرپختونخوا: خیبر میڈیکل یونیورسٹی، پشاور

• بلوچستان: بلوچستان یونیورسٹی، کوئٹہ

• اسلام آباد، آزاد کشمیر، گلگت بلتستان اور ریاض (سعودی عرب): شہید ذوالفقار علی بھٹو میڈیکل یونیورسٹی، اسلام آباد

رجسٹریشن کا طریقہ کار:

آن لائن رجسٹریشن 8 اگست 2025 سے شروع ہوگی جو 25 اگست 2025 تک جاری رہے گی۔ مقررہ تاریخ کے بعد لیٹ فیس کے ساتھ رجسٹریشن کی سہولت 1 ستمبر 2025 تک دستیاب ہوگی۔

رجسٹریشن فیس:

• عام فیس: 9000 روپے

• لیٹ فیس کے ساتھ: 13000 روپے

پاکستان میڈیکل اینڈ ڈینٹل کونسل نے طلبہ اور والدین پر زور دیا ہے کہ رجسٹریشن وقت پر مکمل کریں اور امتحان کی تیاری کے لیے پی ایم ڈی سی کے تجویز کردہ نصاب کا مطالعہ کریں۔امتحان کے انعقاد میں شفافیت، میرٹ اور معیاری پرکھ کو یقینی بنانے کے لیے پی ایم ڈی سی تمام ممکنہ اقدامات کر رہی ہے۔