وزیراعلیٰ پنجاب مریم نواز نے پاکستان کی تاریخ کی پہلی اربن الیکٹرک ٹرین ’’سپر اٹانیمس ریپڈ ٹرانزٹ‘‘ (SRT) میں مین علی ٹاؤن سے مسلم ٹاؤن تک سفر کر کے منصوبے کا جائزہ لیا۔
وزیراعلیٰ نے روڈ ٹیسٹ کے دوران ٹرین کے نظام، رفتار اور عام ٹریفک کے درمیان رننگ کا خود معائنہ کیا۔ وزیر ٹرانسپورٹ بلال اکبر نے ایس آر ٹی کے ڈیزائن، ٹریک اور تکنیکی سہولتوں کے حوالے سے بریفنگ دی۔یہ جدید ٹرین نورنکو انٹرنیشنل نے تیار کی ہے، جس میں تین بوگیاں اور 320 مسافروں کی گنجائش موجود ہے۔مریم نواز نے کہا کہ یہ منصوبہ لاہور کی ٹرانسپورٹ کو جدید دور میں داخل کرے گا اور شہریوں کو سستی اور آرام دہ سفری سہولت فراہم کرے گا۔ ان کا مزید کہنا تھا کہ گوجرانوالہ اور فیصل آباد میں بھی اسی طرز کا منصوبہ شروع کرنے کی تیاری کی جا رہی ہے۔
Discussion about this post