امریکہ کے معروف ریپر اور ریکارڈ پروڈیوسر، 55 سالہ شان کومبز المعروف ’ڈیڈی‘ ایک سنگین فحاشی کیس میں سخت قانونی مشکلات میں گھر گئے ہیں، اور انہیں 20 سال تک قید کی سزا ہو سکتی ہے۔ڈیڈی پر الزام ہے کہ انہوں نے مبینہ طور پر خواتین کو پیسوں کے عوض سفر کروا کر انہیں جنسی سرگرمیوں پر مجبور کیا۔ گزشتہ سال ان کی گرفتاری کے بعد سے وہ مسلسل جیل میں ہیں۔ عدالت نے ان کے وکلا کی جانب سے دی جانے والی تمام ضمانت کی درخواستیں مسترد کر دی ہیں۔ اس پیچیدہ صورتحال میں، ڈیڈی کی قانونی ٹیم نے امریکی صدر ڈونلڈ ٹرمپ سے براہِ راست معافی کی اپیل کی ہے۔ اگر صدر ٹرمپ یہ معافی دے دیتے ہیں تو ریپر کو ممکنہ سزا سے نجات مل سکتی ہے۔ ٹرمپ نے نیوزمیکس کو دیے گئے انٹرویو میں تصدیق کی کہ ڈیڈی کی ٹیم نے ان سے رابطہ کیا ہے، تاہم انہوں نے یہ بھی کہا:
"یہ فیصلہ آسان نہیں ہوگا، کیونکہ شان کومبز نے ماضی میں میرے خلاف سخت بیانات دیے تھے۔”
ڈیڈی کی سزا کا حتمی اعلان 3 اکتوبر 2025 کو متوقع ہے، اور سب کی نظریں اس بات پر مرکوز ہیں کہ آیا صدر ٹرمپ اس ریپر کو معافی دیتے ہیں یا نہیں۔
Discussion about this post