برطانوی پارلیمنٹ کا فیروز خان کے لیے بھی ایوارڈ

فیروز خان کو ’اسٹار آف پاکستان‘ ایوارڈ سے نوازے جانے کی تقریب ہاؤس آف لارڈز میں منعقد ہوئی، جہاں اداکار نے اپنی شریک سفر ڈاکٹر زینب کے ہمراہ شرکت کی۔ تقریب کا انعقاد بھارتی نژاد برطانوی لارڈ کلدیپ سنگھ سہوٹا اور بیرونس کی جانب سے کیا گیا، جس میں دیگر برطانوی ارکان پارلیمنٹ نے بھی شرکت کی۔  ایوارڈ تقریب میں پاکستانی اور بھارتی نژاد پرستاروں نے بھی شرکت کی ۔  فیروز خان نے ایوارڈ تقریب سے خطاب میں برطانوی پارلیمنٹ اور خصوصی طور پر تقریب کا انعقاد کرنے والے ارکان کا شکریہ ادا کرتے ہوئے ایوارڈ کو اپنے لیے اعزاز قرار دیا۔ فیروز خان کو ’اسٹار آف پاکستان‘ کا ایوارڈ دیے جانے سے چند روز پہلے ہی اداکارہ ہانیہ عامر بشریٰ انصاری، ماہرہ خان اور فہد مصطفیٰ کو بھی ایوارڈز سے نوازا گیا تھا۔