کراچی کی ماتحت عدالت نے شارع فیصل پر گاڑی کی ٹکر سے میاں بیوی کی ہلاکت کے کیس میں گرفتار ملزم انیق کو 3 روزہ جسمانی ریمانڈ پر پولیس کے حوالے کردیا۔ آج ملزم انيق کو جوڈیشل مجسٹریٹ شرقی کی عدالت میں پیش کیا گیا۔ عدالت نے ملزم سے سوال کیا کہ آپ کی عمر کیا ہے، ملزم نے بتایا کہ اس کی عمر 16 سال ہے، جس پر تفتیشی افسر نے کہا کہ ملزم کی عمر 17 سال ہے، عدالت نے ملزم کو 3 روزہ جسمانی ریمانڈ پر پولیس کے حوالے کردیا جبکہ گرفتار ملزم کی عمر کا تعین کرنے اور گاڑی کے مالک کو گرفتار کرنے کی بھی ہدایت کردی۔ یاد رہے کہ 2 روز قبل شاہراہ فیصل پر گاڑی کی ٹکر سے میاں بیوی جاں بحق ہوئے تھے۔35 سالہ محمد ایاز اور ان کی اہلیہ 29 سالہ اقصیٰ کورنگی اللہ والا ٹاؤن کے رہائشی تھے، جاں بحق میاں بیوی ملازمت سے واپس آرہے تھے، خاتون نارتھ کراچی کے اسکول میں ٹیچر تھی، جبکہ محمد ایاز فیکٹری میں ملازمت کرتے تھے۔
Discussion about this post