اسلام آباد میں ممکنا احتجاج، سپریم کورٹ کے باہر سیکیورٹی کے کڑے انتظامات

اسلام آباد میں وکلا کے ممکنا احتجاج کے پیش نظر سپریم کورٹ کے اطراف سیکیورٹی کے سخت انتظامات کر دے گئے۔ پولیس کی بھاری نفری تعینات کردی گئی ہے جبکہ  سپریم کورٹ جانے کے لیے صرف مارگلہ روڈ کھلا رکھا گیا ہے، ریڈ زون کے داخلی راستے بند ہونے کے باعث کشمیر چوک میں شدید ٹریفک جام ہے۔ اسی طرح  سرینا چوک، نادرا، میریٹ، ایکسپریس چوک اور ٹی کراس بری امام بھی بند ہے جبکہ جناح انڈر پاس بھی کنٹینرز رکھ کر بند کر دیا گیا ہے۔ میٹرو بس سروس کا آپریشن کو بھی محدود کر دیا گیا، میٹرو بس سروس فیض احمد فیض اسٹیشن سے پاک سیکریٹریٹ تک بند ہے۔راولپنڈی صدر اسٹیشن سے فیض احمد فیض اسٹیشن تک بس سروس بحال ہے۔