نیشنل اسٹیڈیم کراچی کا افتتاح منگل کو ، علی ظفر پرفارم کریں گے

نیشنل اسٹیڈیم کراچی کی گرینڈ اوپننگ منگل کو  ہو گی، اس موقع پر گلوکار علی ظفر کے علاوہ معروف گلوکار شفقت امانت علی اور ساحر علی بگا بھی پرفارم کریں گے،  آتش بازی اور لائٹ شو کا مظاہرہ بھی ہو گا۔  پاکستان کرکٹ بورڈ نے نیشنل اسٹیڈیم کراچی کی گرینڈ اوپننگ کے انتظامات شروع کر دیے ہیں۔افتتاحی تقریب میں کراچی کے تمام ٹیسٹ کرکٹرز کو مدعو کیا جارہا ہے۔ نیشنل اسٹیڈیم میں شاہد آفریدی اور یونس خان کے نام سے انکلوژر منسوب کیے جا رہے ہیں۔نیشنل اسٹیڈیم کراچی کی افتتاحی تقریب میں شائقین شناختی کارڈ دکھا کر مفت داخل ہو سکیں گے۔