وزیر اعلیٰ پنجاب مریم نواز شریف نے گھر تک سروسز فراہم کرنے کےلئےایپ، کال سروس شروع کرنے کی ہدایت کردی۔ وزیر اعلیٰ مریم نواز شریف نے ڈسٹرکٹ اور انتظامی محکموں کو جلد از جلد دستک سروسز مہیا کے لئے اقدامات کا حکم دے دیا۔ معلوم ہوا ہے کہ ” دستک ” ایپ سروسز کے ذریعے ابتدائی طور پر لوکل گورنمنٹ اور دیگر محکموں کی دسترس ہوسکے گی۔ عوام بتدریج سرکاری محکموں کی سو سے زائد سروسز ان لائن یا کال کرکے حاصل کرسکیں گے۔ وزیر اعلیٰ مریم نواز کی زیر صدارت دستک پروگرام کا جائزہ اجلاس ہوا ،پہلے مرحلے میں لاہور کے عوام کو انکی دہلیز پر دس سروسز دی جا رہی ہیں۔ شہری پیدائشی سرٹیفکیٹ، ڈیتھ سرٹیفکیٹ، طلاق سرٹیفیکیٹ، میرج سرٹیفکیٹ، ڈومیسائل، ای سٹیمپ، وہیکل رجسٹریشن، وہیکل ٹرانسفر، ٹوکن ٹیکس اور پراپرٹی ٹیکس سروسز اپنے گھر کی دہلیز پر حاصل کر سکیں گے۔ اگلے فیز میں کریکٹر سرٹیفکیٹ، پولیس ویریفیکیشن، لرنر ڈرائیونگ لائسنس، ڈرائیونگ لائیسنس کی تجدید، ایف آئی آر کی کاپی، ڈپلیکیٹ ڈرائیونگ لائسنس، کرایہ دار کی رجسٹریشن بھی گھر کی دہلیز پر ملے گی۔ مخصوص رائیڈر سرکاری محکموں کی سروس شہری کی گھر پر مہیا کرے گا۔ مستقبل میں 100 سے زائد سروسز دستک کے ذریعے فراہم کی جائیں گی50ہزار سے زائد ملازمتیں پیدا ہوں گی۔ شہری 1202 پر کال کرکے یا دستک ایپلیکیشن کے ذریعے مطلوبہ سروس حاصل کر سکیں گے۔ سینئر صوبائی وزیر مریم اورنگزیب،صوبائی مشیرپرویز رشید، صوبائی وزیر اطلاعات عظمیٰ بخاری، ایم پی اے ثانیہ عاشق،چیف سیکرٹری،ایس ایم بی آر،سیکرٹری لوکل گورنمنٹ، ایکسائز، خزانہ،کمشنر لاہور،چیئرمین پی آئی ٹی بی اور دیگر حکام کی شرکت کی۔
وزیر اعلیٰ پنجاب مریم نواز شریف کی گھر تک سروسز فراہم کرنے کےلئےایپ، کال سروس شروع کرنے کی ہدایت
وزیر اعلیٰ مریم نواز شریف کا ڈسٹرکٹ اور انتظامی محکموں کو جلد از جلد دستک سروسز مہیا کے لئے اقدامات کا حکم
"دستک” ایپ سروسز کے زریعے ابتدائی طور پر لوکل گورنمنٹ اور دیگر محکموں کی… pic.twitter.com/KyK2N8PwCN
— PMLN (@pmln_org) March 20, 2024
Discussion about this post