پاکستان ایئر فورس ٹریننگ بیس میانوالی پر دہشتگرد حملہ ناکام

پاکستان ایئر فورس ٹریننگ ایئر بیس میانوالی پر دہشت گردوں کا حملہ بری طرح ناکام بنادیا گیا۔ آئی ایس پی آر کے مطابق 3 دہشت گردوں کو ایئربیس میں داخلے سے پہلے ہی مار گرادیا جبکہ باقی 3 دہشت گردوں کو گھیرے میں لے لیا گیا۔ جوانوں نے اثاثوں کی حفاظت کو یقینی بنایا، کلیئرنس آپریشن آخری مراحل میں ہے۔ حملے میں پہلے سے گراؤنڈ کیے گئے 3 طیاروں اور فیول باؤزر کو نقصان پہنچا ہے۔ مشترکہ کلیئرنس اور کومبنگ آپریشن آخری مراحل میں ہے۔ آئی ایس پی آر کے مطابق  پاک فوج ہر قیمت پر ملک سے دہشتگردی کے خاتمے کے لیے پُرعزم ہے۔