پی ایس ایل 8 کا میلہ 13 فروری سے

پاکستان کرکٹ بورڈ کی مینجمنٹ کمیٹی کے چیئرمین نجم سیٹھی لاہور میں پریس کانفرنس کرتے ہوئے اعلان کیا کہ پاکستان سپر لیگ کے اس ایڈیشن کی افتتاحی تقریب ملتان میں ہوگی جبکہ پہلا میچ دفاعی چیمپیئن لاہورقلندر اور ملتان سلطانز کے درمیان ہوگا۔ انہوں نے بتایا کہ پی ایس ایل 8 کا میلہ 13 فروری سے 19 مارچ تک ملتان، لاہور، راولپنڈی اور کراچی میں جاری رہے گا جبکہ اس بڑے معرکے کا نغمہ بھی تیار کرلیا گیا ہے۔ نجم سیٹھی نے دعویٰ کیا کہ اس بار ایسا پی ایس ایل ہوگا کہ دنیا یاد رکھے گی۔کراچی، لاہور، راولپنڈی میں پی ایس ایل کے میچز دوپہر 2 بجے اور شام میں 7 بجے ہوں گے جبکہ ملتان میں شام 6 بجے پی ایس ایل میچز کھیلے جائیں گے۔