ایوان صدر میں چیئرمین سینیٹ صادق سنجرانی نے نئی وفاقی کابینہ سے حلف لیا۔ جس میں مسلم لیگ نون 14 اور پیپلز پارٹی کے 9 ارکان نے حلف لیا۔ 31 وفاقی وزرا میں 3 وزرائے مملکت اور 3 مشیر وفاقی کابینہ کا حصہ ہیں۔ پیپلز پارٹی اور نون لیگ کے علاوہ جمعیت علمائے اسلام کے 4، ایم کیو ایم کے 2 ارکان بھی کابینہ میں شامل ہیں۔ بلوچستان عوامی پارٹی اور جمہوری وطن پارٹی سے ایک ایک وفاقی وزیر بنایا گیا ہے۔
خواجہ محمد آصف، احسن اقبال، رانا ثنا اللہ، سردار ایاز صادق، مریم اورنگزیب، مفتاح اسماعیل، میاں جاوید لطیف، ریاض حسین پیرزادہ، مرتضیٰ جاوید عباسی، اعظم نذیرتارڑ، سید خورشید شاہ، سید نوید قمر، شیری رحمان، عبدالقادر پٹیل، شازیہ مری ،سید مرتضیٰ محمود، ساجد حسین طوری، احسان الرحمان مزاری، عابد حسین، اسعد محمود، عبدالواسع، مفتی عبدالشکور، محمد طلحہ محمود، سید امین الحق ، فیصل سبزواری، محمد اسرار ترین ، نواب زادہ شاہ زین بگٹی اور طارق بشیر چیمہ 31 رکنی وفاقی کابینہ کا حصہ ہیں۔ ڈاکٹرعائشہ غوث پاشا، حنا ربانی کھر اور عبدالرحمان خان کانجو کا عہدہ وزیرمملکت کا ہے۔ اسی طرح قمرزمان کائرہ، امیر مقام اور عون چوہدری وزیراعظم شہباز شریف کے مشیران ہوں گے۔
Discussion about this post