کوک اسٹوڈیو اور بین الاقوامی اسٹریمنگ سائٹ اسپاٹی فائی کے درمیان شراکت

کوک اسٹوڈیو کا نیا سیزن 14 جنوری سے شروع ہونے جارہا ہے۔ سیزن 14 کا ٹریلرجاری کردیا گیا لیکن اس کے ساتھ ہی اب کوک اسٹوڈیو کو یہ اعزاز بھی مل رہا ہے کہ دنیا کی سب سے زیادہ مشہور آڈیو اسٹریمنگ سروس ” اسپاٹی فائی ” کے درمیان معاہدہ ہوگیا ہے۔ جس کے تحت کوک اسٹوڈیو کے نغمے اب اس اسٹریمنگ سروس سے بھی نشر ہوں گے۔ ” اسپاٹی فائی ” کی دنیا بھر کے 184 ممالک میں لگ بھگ 381 ملین ممبر شپ ہے۔

اب اس شراکت داری کے بعد دنیا بھر کے موسیقی کے چاہنے والے بیک وقت کوک اسٹوڈیو میں پیش ہونے والے گانوں کا لطف اٹھائیں گے۔ کوک اسٹوڈیو پاکستان میں میشا شفیع، مومنہ محتسین ، قرۃ العین بلوچ ، زین زوہیب، علی سیٹھی سمیت کئی نامور گلوکار اپنے فن کا اظہار کریں گے۔