قائداعظم زندہ باد کا ٹریلر: گلاب اور جیا کی کیمسٹری کی دھوم

جس کا تھا انتظار آگیا وہ شاہکار۔۔۔ گلاب اور جیا کی جوڑی دھوم مچانے کو ہے تیار، فلم قائد اعظم زندہ باد کا ٹریلر آخرکار ریلیز ہوگیا، جس نے آتے ہی دھوم مچادی ہے۔

ہدایتکار نبیل قریشی کی فلم ’پاکستان زندہ باد‘ میں ماہرا خان، فہد مصطفیٰ، جاوید شیخ، محمود اسلم اور نیئر اعجاز نے مرکزی کرادار ادا کیا ہے جبکہ فلم کے ٹریلر کو دیکھنے سے پتہ چلتا ہے کہ فلم ملکی حالات پر بنائی گئی ہے، رشوت، کرپشن، ایکشن، ہلکی پھلکی کامیڈی کے ساتھ ساتھ پہلی بار کسی فلم میں جلوہ گر ہونے والے فہد مصطفی اور ماہرا خان کا رومانس بھی دیکھنا کو ملے گا جبکہ چٹ پٹے اور جاندار ڈائیلاگ کا تڑکا بھی مداحوں کی بے تابی کو بڑھ رہا ہے۔

فلم کی کہانی ایک پولیس افسر کے گرد گھومتی ہے جو پہلے تو خود رشوت لیتا ہے اور بعد میں ایماندار افسر بن جاتا ہے۔ فلم کے ٹریلر دیکھنے والے مداح اس بات سے مطمئن نظر آرہے ہیں کہ کملی، طیفا ان ٹربل، بول کے بعد ایک اور بلاک باسٹر فلم جو عید الاضحٰی کے دنوں میں سینماگھروں میں جلوہ گر ہوکر کھڑکی طور بزنس کریں گی۔