تحریک انصاف کے چیئرمین اور سابق وزیراعظم عمران خان نے ویڈیو پیغام میں ملک میں بڑھتی ہوئی مہنگائی کے خلاف اتوار کی رات 9 بجے پرامن احتجاج کی کال دی ہے۔ ان کا کہنا تھا کہ قوم پرامن احتجاج کے لیے نکلے۔ حکومت نے اس قدر مہنگائی کردی ہے کہ اب اس تماشے کے خاتمے کے لیے سب کو باہر نکلنا ہوگا ورنہ مزید مہنگائی بڑھے گی۔
انہوں نے ایک بار پھر مبینہ سازش کا ذکر کرتے ہوئے کہا کہ اتوار کو سوال اٹھائیں گے کہ ملک سنبھال نہیں سکتے تو سازش کیوں کی؟ عمران خان کا کہنا ہے کہ وہ رات 10 بجے عوام سے خطاب بھی کریں گے۔ سابق وزیراعظم نے دیگر سیاسی جماعتوں کو بھی دعوت دی ہے کہ وہ اس پرامن احتجاج میں ان کا ساتھ دیں۔
Discussion about this post