وزیراعظم شہباز شریف کے دورہ سعودی عرب کے مشترکہ اعلامیہ کے مطابق پاک سعودی سپریم کوآرڈی نیشن کونسل کے تحت مختلف امور پر دو طرفہ تعلقات کےفروغ پر اتفاق ہوا۔ سعودی عرب نے پاکستان کے ساتھ معاشی تعاون جاری رکھنے کا عزم کا اظہار کیا۔ دونوں ممالک کا تجارت کے فروغ دینے پر بھی اتفاق ہوا۔
پاکستان کی جانب سے سعودی عرب کے بھرپور تعاون کو سراہا گیا۔ یہی نہیں دونوں ملکوں کا نجی شعبے میں بھی تعاون پر اتفاق ہوا ہے۔ اسی طرح کان کنی اور صعنتوں کے شعبے میں مزید تعاون پر اتفاق رائے کیا گیا۔ سعودی عرب کی اسٹیٹ بینک میں موجود 3 ارب ڈالرز کی واپسی کی مدت میں توسیع کا فیصلہ ہوا ہے۔ سرمایہ کاری کو فروغ دینے کے لیے پاک سعودی بزنس کونسل کے اجلاس کے اقدام پر اتفاق ہوا ہے۔
اعلامیہ کے مطابق زراعت اور خوراک کے شعبوں میں نجی شعبے کی حوصلہ افزائی کی جائے گی۔ دونوں ملکوں کا ابلاغ عامہ کے شعبے میں بھی تعاون میں اضافے کا فیصلہ ہوا ہے۔ پاکستان کی معاشی مدد کے طور پر پیٹرولیم کی فنانسنگ بڑھانے پر بھی اتفاق ہوا ہے۔ سعود عرب اور پاکستان کا نجی اور اقتصادی شعبوں میں تعاون کی نئی راہیں تلاش پر غور کیا گیا۔ پاکستان نے سعودی گرین اور مڈل ایسٹ گرین منصوبوں میں تعاون کی پیش کش کی ہے۔ مشترکہ اعلامیے کے مطابق دونوں ملکوں نے دہشت گردی و انتہاپسندی کے خاتمے کے لیے تعاون جاری رکھنے پر بھی اتفاق کیا ہے۔
Discussion about this post