حمزہ شہباز 199 ووٹ لے کر وزیراعلیٰ پنجاب منتخب

متحدہ اپوزیشن کے لاہور کے نجی ہوٹل میں  علامتی اجلاس میں 199 اراکین نے وزیراعلیٰ کے لیے حمزہ شہباز کو پنجاب کا نیا وزیراعلیٰ منتخب کرلیاہے۔ نجی ہوٹل میں یہ علامتی  اجلاس ڈپٹی اسپیکر کی طرف سے شیڈول ہوا۔ جسے پنجاب اسمبلی میں ہونا تھا لیکن ایوان کو تالے لگا کر بند کردیا گیا۔ ہوٹل میں ہونے والے اس  علامتی اجلاس کی صدارت پینل آف چیئرمین شازیہ عابد نے کی ۔ جس میں نون لیگ، پیپلز پارٹی اور متحدہ اپوزیشن کی دیگر جماعتوں کے علاوہ جہانگیر ترین اور علیم خان گروپ کے ارکان نے ووٹنگ میں حصہ لیا۔

حمزہ شہبازشریف 199 ووٹ لیکر وزیراعلٰی پنجاب منتخب pic.twitter.com/tgzIEKWeh2

— PML(N) (@pmln_org) April 6, 2022

بظاہر تو اس انتخاب کی آئینی حیثیت طے نہیں ہوئی لیکن متحدہ اپوزیشن کا کہنا ہے کہ وہ ہائی کورٹ میں اس  علامتی اجلاس کو قانونی حیثیت دینے کے لیے رجوع کرنے جارہے ہیں۔ حمزہ شہباز کی اس کامیابی پر مریم نواز نے انہیں گلے لگا کر مبارک باد دی۔ جبکہ حمزہ شہباز نے ارکان کا شکریہ ادا کیا۔

. @MaryamNSharif got emotional and had tears of happiness to see her brother Hamza Shehbaz getting the support from the majority of the House. #PunjabAssembly pic.twitter.com/IZhBCg0MyK

— Sania Ashiq (@SaniaaAshiq) April 6, 2022

دوسری جانب قاف لیگ کے رہنما مونس الہیٰ نے طنزیہ ٹوئٹ کیا کہ حمزہ شہباز کو فلیٹنز ہوٹل کا وزیراعلیٰ بننے پر مبارک باد دیتے ہیں۔