پاکستان کرکٹ بورڈ کی مینجمنٹ کمیٹی کے چیئرمین ذکا اشرف جمعرات کو بھارت روانہ ہوں گے جہاں وہ 14 اکتوبر کو احمد آباد میں پاکستان اور بھارت کا میچ دیکھیں گے۔ ذکا اشرف نے اس بات کا فیصلہ اس بات کی تصدیق کے بعد کیا ہے کہ پاکستانی میڈیا کو عالمی کپ کے موقع پر ویزوں کے لیے پاسپورٹ جمع کرانے کی اجازت دی گئی ہے۔ ذکا اشرف کا کہنا تھا کہ انہوں نے بھارت جانے کا فیصلہ موخر کردیا تھا لیکن اب وہ اس بات کی تصدیق کےبعد جارہے ہیں کہ پاکستانی صحافیوں کو میگا ایونٹ کی کوریج کے لیے ویزا حاصل کرنے کے لیے اپنے پاسپورٹ جمع کرانے کا کہا گیا ہے۔ ذکا اشرف کے مطابق انہیں اس بات کی خوشی ہے کہ قومی ٹیم نے عالمی کپ میں اب تک بہترین پرفارمنس دی۔ بھارت کے خلاف اہم میچ سے پہلے ٹیم کے لیے پیغام یہی ہے کہ وہ بے خوف ہو کر کھیلیں جیسا کہ پورے ایونٹ میں کھیلتے رہے ہیں۔
Discussion about this post