بین الاقوامی میڈیا کی رپورٹس کے مطابق امریکی وفاقی جج نے وائٹ ہاؤس کوحکم جاری کرتے ہوئے کہا ہے کہ حکومت کو کسی میڈیا ادارے کو ان کے نظریات کی بنا پر پابندی لگانے کا حق حاصل نہیں ہے۔ امریکی آئین کی پہلی ترمیم آزادیٔ اظہار اور پریس کی آزادی کی ضمانت دیتی ہے۔ وفاقی جج نے حکومتی فیصلے کو امریکی آئین کی خلاف ورزی قرار دے دیا ہے۔ جج نے وائٹ ہاؤس کو فیصلے پر عمل درآمد کے لیے 5 دن کی مہلت دے دی تاکہ وہ جواب دے یا اعلیٰ عدالت میں اپیل دائر کرے۔
یاد رہے کہ خلیجِ میکسیکو کا نام تبدیل کر کے خلیجِ امریکا نہ لکھنے پر وائٹ ہاؤس میں امریکی خبر ایجنسی کے صحافیوں اور فوٹو گرافر کو فروری کے وسط سے اوول آفس اور ایئر فورس ون پر سفر کرنے سے غیر معینہ مدت تک روک دیا گیا تھا۔
Discussion about this post