برطانیہ میں مسلسل دوسرے سال ’محمد‘ سب سے مقبول نام قرار

برطانیہ کے سرکاری ادارہ شماریات (ONS) کے مطابق، انگلینڈ اور ویلز میں 2024 کے دوران پیدا ہونے والے لڑکوں میں سب سے زیادہ رکھا جانے والا نام ’محمد‘ رہا۔

یہ مسلسل دوسرا سال ہے جب ’محمد‘ نے یہ مقام حاصل کیا ہے۔ اس سے پہلے 2023 میں بھی یہی نام سرفہرست تھا۔

اعداد و شمار کے مطابق:

• ’محمد‘ 2016 سے مسلسل ٹاپ 10 ناموں میں شامل رہا ہے۔

• 2021 میں پانچویں نمبر پر تھا، 2022 میں دوسرے، اور اب مسلسل دو سال سے پہلے نمبر پر ہے۔

برطانوی میڈیا کے مطابق اس رجحان کی وجہ ملک میں مسلم آبادی کا بڑھنا اور والدین کی جانب سے نبی کریم ﷺ سے نسبت کے باعث بچوں کو ’محمد‘ نام دینا ہے۔

دیگر مقبول نام

• لڑکوں میں:
   نوح
   اولیور

• لڑکیوں میں مسلسل تیسرے سال:
   اولیویا
   ایمیلیا

رپورٹ کے مطابق شاہی خاندان سے منسوب کچھ ناموں کی مقبولیت میں کمی آئی ہے:

• ’جارج‘ چھٹے نمبر پر چلا گیا

• ’ولیم‘ اب 27ویں نمبر پر ہے